ဂျပန်နိုင်ငံမှာ နွားရူးရောဂါကျရောက်ပြီးကတည်းက ဗြိတိန်အမဲသားနဲ့ သိုးသားတင်ပို့မှုတွေကိုကန့်သတ်ခဲ့ပေမဲ့  ဇန်န၀ါရီလ(၁၀) ရက်မှာ အဲဒီကန့်သတ်ချက်ကို ဂျပန်ဝန်ကြီးချုပ် ရှင်ဇိုအာဘဲကအဆုံးသတ်လိုက်ပါတယ်။ ဗြိတိန်နိုင်ငံ မြို့တော် လန်ဒန်မှာ ဂျပန်ဝန်ကြီးချုပ် ရှင်ဇိုအာဘဲနဲ့ ဗြိတိန်ဝန်ကြီးချုပ်ထရီစာမေတို့ တွေ့ဆုံဆွေးနွေးခဲ့ပြီးနောက် ဒီဆုံးဖြတ်ချက်ထွက်ပေါ်လာတာပါ။ ဥရောပသမဂ္ဂ(အီးယူ)ကနေ ဗြိတိန်နှုတ်ထွက်ရေးသဘောတူညီချက်အတွက် ဂျပန်နိုင်ငံဘက်ကအပြည့်အ၀ထောက်ပံ့ပေးသွား မယ်လို့ အာဘဲကပြောပါတယ်။

(၁၉၉၆)ခုနှစ်ကတည်းက ဗြိတိန်နိုင်ငံက ဂျပန်နိုင်ငံကိုတင်ပို့တဲ့ အမဲသားနဲ့ သိုးသားတွေကို ကန့်သတ်လိုက်တာဟာ  ဗြိတိန်လယ်သမားတွေအတွက် ပေါင်(၁၂၇)သန်းဖိုးရှိတယ်လို့ ဗြိတိန်ဘက်က ပြောပါတယ်။ ဗြိတိန် အ ကောက်ခွန်စာရင်းတွေအရ ဗြိတိန်နိုင်ငံကတင်ပို့တဲ့ အမဲသားထုတ်ကုန်တင်ပို့မှုဟာ (၂၀၁၇)ခုနှစ်မှာ ပေါင်(၁.၂)ဘီလီယံဖိုး ရှိပါတယ်။ ဆန်းသစ်တီထွင်မှုမြှင့်တင်ရေး၊ အလုပ်အကိုင်ဖန်တီးရေးနဲ့ နည်းပညာပူးပေါင်းဆောင်ရွက်ရေးတွေအတွက် လူထုအ ရည်အသွေးတိုးတက်စေဖို့ ကနဦးရံပုံငွေပေါင်သန်း(၃၀)ထူထောင်ဖို့ ခေါင်းဆောင်(၂)ဦးစလုံးက ကြေညာသွားမယ်လို့သိရပါ တယ်။ ဒါ့အပြင် ကာကွယ်ရေးနဲ့ ယဉ်ကျေးမှုဆိုင်ရာဆက်ဆံရေးတွေကို အရှိန်မြှင့်တင်သွားဖို့လည်း (၂)နိုင်ငံစလုံးကသဘော တူခဲ့ပါတယ်။

 

 

Related News