မလေးရှားနိုင်ငံရဲ့ ဆူလ်တန်မိုဟာမက်(၅)က ဇန်န၀ါရီ(၆)ရက်မှာနန်းစွန်းခဲ့တယ်လို့ မလေးရှားနန်းတော်က ထုတ်ပြန်ပါတယ်။ (၂)နှစ်နန်းစံပြီးနောက်မှာ နန်းစွန်ခဲ့တာဖြစ်ပြီး နန်းစံသက်(၅)နှစ်စီရှိတဲ့မလေးရှားဘုရင်တွေထဲမှာ ပထမဆုံးနန်းစွန့်ခဲ့တဲ့ဧကရာဇ်ဖြစ်လာပါတယ်။ ဧကရာဇ်နန်းစွန့်တာက ချက်ချင်းအကျုံးဝင်တယ်လို့ မလေးရှား အမျိုးသားနန်းတော်က ထုတ်ပြန်ခဲ့ပြီးဘာကြောင့် နန်းစွန့်သလဲဆိုတာကို မပြောခဲ့သလို နန်းတော်အရာရှိတွေက မေးမြန်းရာမှာလည်းဖြေကြားခဲ့ခြင်းမရှိဘူးလို့ ရိုက်တာသတင်းဌာနကဖော်ပြပါတယ်။ ပြီးခဲ့တဲ့ဒီဇင်ဘာကဧကရာဇ်လို့ ယူဆရသူက ရုရှားမှာလက်ဆက်ခဲ့တယ်ဆိုပြီး လူမှုကွန်ယက်မှာပျံ့နှံ့ခဲ့ပေမဲ့ နန်းတော်ဘက်က အဲဒီဖြစ်ရပ်အတွက် တစုံတရာမှတ်ချက်မပြုခဲ့ပါဘူး။မလေးရှားဘုရင်ဟာပွဲတက်ရုံသက်သက်ပဲဖြစ်ပေမဲ့ ၀န်ကြီးချုပ်နဲ့ အရာရှိကြီးတွေကိုခန့်အပ် မယ်ဆိုရင် ဘုရင်ရဲ့ခွင့်ပြုချက် လိုအပ်ပါတယ်။ ပြီးခဲ့တဲ့မေလမှာ ရွေးကောက်ခံခဲ့ရတဲ့ဝန်ကြီးချုပ် မဟာသီယာမိုဟာမက်နဲ့ နန်းတော်တို့ကြားတင်းမာမှုတွေရှိနေတယ်လို့ နယူးစထရိတ်တိုင်းမ်စ် သတင်းစာကဖော်ပြထားပါတယ်။ပြီးခဲ့တဲ့ဇွန်လမှာ မလေးရှားလူမျိုးမဟုတ်သူတစ်ဦးကို ရှေ့နေချုပ်အဖြစ်ခန့်အပ်ဖို့ ဧကရာဇ်ကသဘောတူခဲ့တဲ့အတွက် နန်းတော်နဲ့ အစိုးရအဖွဲ့တို့ကြား(၂)ပတ်ကြာအကြပ်အတည်းတွေ့ခဲ့ပါတယ်။

 

 

Related News