ဒုတိယအကြိမ် မြောက်နိုင်ငံတကာကုန်စည်ပြပွဲကို ဒီဇင်ဘာလ(၃)ရက်က ဂျီဘူတီနိုင်ငံမှာကျင်းပခဲ့ပါတယ်။ ဒီဇင်ဘာလ(၄)ရက်ကနေ (၆)ရက်အထိ ပြင်သစ်၊ အီသီယိုးပီးယား၊ ဂျပန်တို့နဲ့ချစ်ကြည်ရေးနေ့တွေကျင်းပသွားမယ်လို့သိရပါတယ်။ ဂျီဘူတီနိုင်ငံမှာ ရင်းနှီးမြှပ်နှံမှုနဲ့ ခရီးသွားလုပ်ငန်းမြှင့်တင်ဖို့ရည်ရွယ်ချက်နဲ့ ဒုတိယအကြိမ်မြောက်နိုင်ငံတကာကုန်စည်ပြပွဲကို ဒီဇင်ဘာလ(၃)ရက်က စတင်ဖွင့်လှစ်ခဲ့ပါတယ်။  အခုနှစ်ပြပွဲကို  နိုင်ငံပေါင်းများစွာကပါဝင်ပြသခဲ့ပြီး ဂျပန်၊ အီတလီ၊ တူရကီနဲ့ အီသီယိုးပီးယားနိုင်ငံတို့က အများဆုံးပါဝင်ပြသခဲ့ပါတယ်။  ဂျီဘူတီနိုင်ငံမှာ ပြပွဲတစ်ခုတည်းကိုတင်ကျင်းပမှာမဟုတ်ဘဲ ဒီဇင်ဘာလ(၄)ရက်ကနေ (၆)ရက်အထိ ဂျီဘူတီ-ပြင်သစ်၊ ဂျီဘူတီ-အီသီယိုးပီးယား၊ ဂျီဘူတီ-ဂျပန် ချစ်ကြည်ရေးနေ့တွေကိုပါ ကျင်းပမှာဖြစ်ပါတယ်။

ဂျီဘူတီအစိုးရရဲ့ဆောင်ရွက်မှုတွေထဲမှာ နိုင်ငံခြားကုမ္ပဏီတွေကို အခွန်ကင်းလွတ်ခွင့်ပေးတဲ့ လွတ်လပ် တဲ့စီးပွားရေးဇုံ တည်ဆောက်နိုင်မယ့်အစီအစဉ်တွေလည်းပါဝင်ပါတယ်။ ဂျီဘူတီနိုင်ငံမှာ ကမ္ဘာ့စီးပွားရေးလုပ်ငန်းတွေရဲ့ အဓိက ရင်းနှီးမြှပ်နှံမှုတွေက မွေးမြူရေး၊  ခရီးသွားလုပ်ငန်း၊ ငါးလုပ်ငန်း၊ ဘဏ်လုပ်ငန်း၊ အာမခံလုပ်ငန်း၊ ဆက်သွယ်ရေး၊ စွမ်းအင်နဲ့ အိမ်ခြံမြေလုပ်ငန်းတွေပါဝင်ပါတယ်။ ဂျီဘူတီနိုင်ငံမှာမှာ အီသီယိုပီးယားနိုင်ငံအပါအ၀င် နိုင်ငံခြားကုမ္ပဏီများစွာက စီးပွားရေးလုပ် ငန်းတွေလုပ်ကိုင်နေကြပါတယ်။  ဂျီဘူတီနိုင်ငံရဲ့ တည်နေရာဟာ စီးပွားရေးအရအချက်အချာကျတဲ့နေရာဖြစ်တာကြောင့် တခြား စီးပွားရေးလုပ်ငန်းတွေလည်း ဂျီဘူတီနိုင်ငံမှာလာရောက်ရင်းနှီးမြှပ်နှံစေဖို့ ဆောင်ရွက်နေပါတယ်။  

 

 

Related News