ထိုင်းနိုင်ငံမြို့တော်ဘန်ကောက်မှာကျင်းပတဲ့ လေးကြိမ်မြောက်အကြမ်းဖက်မှုတိုက်ဖျက်ရေးဆိုင်ရာငွေကြေးထောက်ပံ့ရေးထိပ် သီးအစည်းအဝေးကို နိုင်ငံပေါင်း(၂၀)က အကြမ်းဖက်မှုဆန့်ကျင်ရေးအေဂျင်စီတွေက ကိုယ်စားလှယ်(၃၅၀)ကျော် တက်ရောက်ခဲ့ပါတယ်။ ထိပ်သီးဆွေးနွေးပွဲကို အင်ဒိုနီးရှားနဲ့ သြစတေးလျငွေကြေးထောက်လှမ်းရေးယူနစ်တွေနဲ့ ပူးပေါင်းပြီး ထိုင်းနိုင်ငံငွေကြေး ခ၀ါချမှုဆန့်ကျင်ရေးရုံးက အိမ်ရှင်နိုင်ငံအဖြစ် နိုဝင်ဘာလ(၆)ရက်ကနေ(၈)ရက်ထိ(၃)ရက်ကြာ ကျင်းပခဲ့ပါတယ်။

ဖွင့်ပွဲအခမ်းအနားမှာ ထိုင်းဒုတိယ၀န်ကြီးချုပ် "၀ိသာနူး ကရီယာနမ်"က သဘာပတိအဖြစ် ဆောင်ရွက်ခဲ့ပါတယ်။ ထိပ်သီးအစည်းအဝေးက အကြမ်းဖက်မှုတွေမှာ ငွေကြေးထောက်ပံ့မှု ကိစ္စရပ်တွေကိုဖြေရှင်းဖို့နဲ့ နိုင်ငံတကာပူးပေါင်းဆောင်ရွက်မှုတိုးတက်ဖို့ ရည်ရွယ်ကျင်းပခဲ့တာပါ။ အကြမ်းဖက်မှုအုပ်စုနဲ့ ဆိုင်ဘာရာဇ၀တ်အဖွဲ့တွေကြောင့် ပေါ်ပေါက်လာတဲ့ဘဏ္ဍာရေးခြိမ်းခြောက်မှုတွေအပေါ် လေ့လာမှုတွေနဲ့ အတွေ့အကြုံတွေဖလှယ်တာကို ထိုင်းနိုင်ငံက ဆောင်ရွက်သွားမယ်လို့လည်း "၀ိသာနူး"က ပြောပါတယ်။

 

Related News