ထိုင်းနိုင်ငံမှာ ပြည်ဝင်ခွင့်ဗီဇာ သက်တမ်းကျော်နေတဲ့နိုင်ငံခြားသားတွေကို နှိမ်နင်းဖို့ ထိုင်းရဲတပ်ဖွဲ့က တစ်လကြာလုပ်ဆောင်ခဲ့ ပြီး လူဝင်မှုကြီးကြပ်ရေးဥပဒေကို ချိုးဖောက်တဲ့အတွက်ပါကစ္စတန်လူမျိုး (၅၇)ဦးကို ဖမ်းဆီးခဲ့ပါတယ်။ အမျိုးသားလုံခြုံရေးကို ခြိမ်းခြောက်တယ်လို့ယူဆရတဲ့ ပြစ်မှုကျူးလွန်သူနိုင်ငံခြားသားတွေကို ဖမ်းဆီးဖို့ လူဝင်မှုကြီးကြပ်ရေးဌာနကိုထိုင်းအစိုးရက အောက်တိုဘာလ(၈)ရက်မှာညွှန်ကြားခဲ့ပါတယ်။ ထိုင်းလူဝင်မှုကြီးကြပ်ရေးရဲတပ်ဖွဲ့အကြီးအကဲ ဗိုလ်ချုပ်  စူရာခက်ဟာ့ပန် ဦး ဆောင်တဲ့အဖွဲ့ဟာ ဘန်ကောက်မြို့က နေအိမ်(၁)ခုမှာပါကစ္စတန်နိုင်ငံသား(၅၇)ဦးကို အောက်တိုဘာလ(၁၀)ရက်က ဖမ်းဆီးခဲ့ တာပါ။

ဖမ်းဆီးခဲ့တဲ့သူတွေအားလုံးဟာပြည်ဝင်ခွင့်ဗီဇာသက်တမ်း(၁)နှစ်ကျော်လွန်နေပြီလို့သိရပါတယ်။ ထိုင်းနိုင်ငံမှာ ပြည်ဝင် ခွင့်ဗီဇာသက်တမ်းကျော်နေတဲ့ နိုင်ငံခြားသား(၅)သောင်းလောက်ရှိနေပြီး (၁၀၀၀)ကျော်ကိုတော့အမိနိုင်ငံပြန်ပို့ပေးခဲ့ပါတယ်။ ထိုင်းနိုင်ငံအနေနဲ့ ပိုမိုတင်းကြပ်တဲ့ဥပဒေတွေနဲ့အတူ ကိုယ်ရေးအချက်အလက်တွေထည့်သွင်းနိုင်တဲ့ အီလက်ထရောနစ်စာရင်း သွင်းစနစ်ကို ကျင့်သုံးတော့မှာဖြစ်ပါတယ်။

 

Related News