မလေးရှားနိုင်ငံလွတ်လပ်ရေးရခဲ့တဲ့ (၁၉၅၇)ခုနှစ်ကတည်းက မလေးရှားရွေးကောက်ပွဲမှာ ပထမဆုံးအကြိမ်အဖြစ် အတိုက်အခံပါတီက အနိုင်ရခဲ့ပြီးအတိုက်အခံပါတီကိုဦးဆောင်ခဲ့တဲ့ မလေးရှားဝန်ကြီးချုပ်ဟောင်းဟာလည်း အသက်အကြီးဆုံးခေါင်းဆောင် ဖြစ်လာတော့မှာပါ။ မေလ(၉)ရက်ကကျင်းပခဲ့တဲ့မလေးရှားရွေးကောက်ပွဲမှာ ၀န်ကြီးချုပ်ဟောင်း မဟာသီယာ မိုဟာမက်ရဲ့အတိုက်အခံ(PPBM) ပါတီ က အနိုင်ရခဲ့ပါတယ်။ ပြီးခဲ့တဲ့(၆၁)နှစ်ကာလအတွင်း မလေးရှားရွေးကောက်ပွဲမှာ အတိုက်အခံပါတီအနိုင်ရတာက ပထမဆုံးအ ကြိမ်ဖြစ်ပါတယ်။
 
အခုရွေးကောက်ပွဲမှာ အနိုင်ရခဲ့တဲ့အတွက် အသက်(၉၂)နှစ်ရှိပြီဖြစ်တဲ့ မဟာသီယာ မိုဟာမက်ဟာ ကမ္ဘာပေါ် မှာ အသက်အကြီးဆုံးနိုင်ငံခေါင်းဆောင်ဖြစ်လာမှာပါ။ မလေးရှားနိုင်ငံမှာ တရားဥပဒေစိုးမိုးရေးအတွက် သူ့ရဲ့ညွှန့်ပေါင်းပါတီက ပြန်ကြိုးပမ်းသွားမယ်လို့ မဟာသီယာကပြောပါတယ်။ မဲရှုံးနိမ့်ခဲ့တဲ့ဖြစ်ရပ်ဟာ ပြည်သူတွေရဲ့ဆန္ဒအတိုင်းဖြစ်လာပြီး အခုရွေး ကောက်ပွဲက လွတ်လပ်မျှတတဲ့ရွေးကောက်ပွဲဖြစ်တယ်လို့ ၀န်ကြီးချုပ်နာဂျစ်က ပြောပါတယ်။
 
မလေးရှားရွေးကောက်ပွဲမှာ လွှတ် တော်အမတ်(၂၂၂)နေရာကိုရွေးကောက်တင်မြှောက်ရတာဖြစ်ပြီး မဲစာရင်းတွေအရ (PPBM) ပါတီက လွှတ်တော်အမတ်(၁၁၃) နေရာကိုအနိုင်ရခဲ့ပြီး ၀န်ကြီးချုပ်နာဂျစ်ရဲ့(BN) ပါတီက လွှတ်တော်အမတ်(၇၉)နေရာကို အနိုင်ရခဲ့ပါတယ်။ ညွှန့်ပေါင်းပါတီတွေ ကြား မဲရလဒ်မပြတ်သားခဲ့တာကြောင့် အစိုးရအဖွဲ့ကို ဘယ်ပါတီက ဦးဆောင်ရမလဲဆိုတာကို မလေးရှားဘုရင်ကရွေးချယ် ပေးရဖွယ်ရှိနေပါတယ်။ ကာလရှည်အာဏာရလာခဲ့တ(BN) ပါတီက အာဏာလွှဲပြောင်းရာမှာ အဆင်မပြေဘဲ ကသောင်းကနင်း ဖြစ်လာနိုင်တယ်လို့ သုံးသပ်နေတာတွေလည်းရှိနေပါတယ်။ ရွေးကောက်ပွဲရလဒ်တွေကို ထုတ်ပြန်ခဲ့ပြီးနောက် အတိုက်အခံပါတီ ကိုထောက်ခံသူတွေက လမ်းမတွေ ပေါ်မှာ အောင်ပွဲခံခဲ့ကြပါတယ်။
 
 

Related News