ပြီးခဲ့တဲ့(၂၀၁၇)ခုနှစ်မှာ ထိုင်းနိုင်ငံသားတွေရဲ့အင်တာနက်အသုံးပြုမှုက ပြီးခဲ့တဲ့(၂၀၁၄)ခုနှစ်ကထက် (၆)ဆလောက်မြင့်တက်ခဲ့ပေမဲ့ ဖုန်းခေါ်ဆိုမှုကတော့ (၅၇)ရာခိုင်နှုန်းကျဆင်းခဲ့ပါတယ်။ထိုင်းနိုင်ငံမှာ မိုဘိုင်းဖုန်းတွေကနေတဆင့် အင်တာနက်အသုံးပြုမှုမြင့်တက်လာပေမဲ့ ဖုန်းခေါ်တာတွေကတော့ ကျဆင်းသွားပါ တယ်။ ပြီးခဲ့တဲ့(၂၀၁၇)ခုနှစ်က ထိုင်းနိုင်ငံမှာ မိုဘိုင်းဖုန်းဆင်းကတ်ပေါင်း(၁၂၁)သန်းရှိခဲ့တယ်လို့ ထိုင်းအမျိုးသားအသံလွှင့်နှင့် တယ်လီဖုန်းဆက်သွယ်ရေးကော်မရှင်(NBTC)ရဲ့ အထွေထွေအတွင်းရေးမှူးတာခွန် တန်တာဆစ်သ်ကပြောပါတယ်။ ပြီးခဲ့တဲ့ (၂၀၁၄)ခုနှစ်မှာ ထိုင်းနိုင်ငံရဲ့အဓိကတယ်လီဖုန်းအော်ပရေတာ(၃)ခုကနေ ဖုန်းခေါ်ဆိုချိန်မိနစ်ပေါင်း(၇၀)ဘီလီယံကျော်ရှိခဲ့ပြီး (၂၀၁၇)ခုနှစ်မှာတော့ ဖုန်းခေါ်ဆိုချိန်မိနစ်ပေါင်း(၄၃)ဘီလီယံကျော်သာရှိခဲ့တယ်လို့ သိရပါတယ်။
 
ဒါဟာ ပြီးခဲ့တဲ့(၂၀၁၄)ခုနှစ်မှာ ထိုင်းနိုင်ငံသား(၁)ဦးက တစ်နေ့ကို ဖုန်းပြောချိန်(၄)မိနစ်ရှိခဲ့ပြီး (၂၀၁၇)ခုနှစ်မှာတော့ ဖုန်းပြောချိန်(၂)မိနစ်သာရှိခဲ့တာပါ။ ဖုန်း ခေါ်ဆိုမှုတွေကျဆင်းခဲ့ပေမဲ့ ဖုန်းနဲ့အင်တာနက်အသုံးပြုမှုကတော့ မြင့်တက်လာပါတယ်။ (၂၀၁၇)ခုနှစ်မှာ ထိုင်းအဓိကဖုန်းအော် ပရေတာကုမ္ပဏီ(၃)ခုရဲ့ အင်တာနက်အသုံးပြုမှုစာရင်းအရ ပျမ်းမျှအားဖြင့် ထိုင်းနိုင်ငံသား(၁)ဦးက (၁)လကို (၄.၁၁)ဂစ်ဂါဘိုက် အသုံးပြုခဲ့ပြီး ထိုင်းနိုင်ငံဟာ အွန်လိုင်းလူ့အဖွဲ့အစည်း(၁)ခုဖြစ်လာပြီဆိုတာကိုဖော်ပြနေတယ်လို့ တာခွန်ကပြောပါတယ်။ ပြီးခဲ့တဲ့ နှစ်က ထိုင်းနိုင်ငံသားတွေရဲ့ပျမ်းမျှအင်တာနက်အသုံးပြုမှုနှုန်းက ပြီးခဲ့တဲ့(၂၀၁၄)ခုနှစ်ကထက် (၆)ဆလောက်မြင့်တက်ခဲ့တယ် လို့ သိရပါတယ်။
 
 
 

Related News