ထိုင်းနိုင်ငံမှာ ငွေကြေးဖောင်းပွမှုတွေဖြစ်နေတာ ပြီးခဲ့တဲ့မတ်လအပါအ၀င်(၉)လဆက်တိုက် ရှိနေပါပြီ။ ထိုင်းထုတ်ကုန်တွေနဲ့ဝန် ဆောင်မှုလုပ်ငန်းတွေမှာ ၀ယ်လိုအားတွေမြင့်တက်နေပြီး ၀ယ်နိုင်စွမ်းနာလံပြန်ထလာတာကြောင့် ငွေကြေးဖောင်းပွနေတယ်လို့ ထိုင်းအစိုးရဘက်ကပြောပါတယ်။ ထိုင်းထုတ်ကုန်တွေဝယ်လိုအားများလာပြီး လတ်ဆတ်တဲ့အစားအစာတွေကလွဲလို့တ ခြားထုတ်ကုန်တွေမှာ ငွေပိုသုံးလာတဲ့အတွက် ပြီးခဲ့တဲ့(၂၀၁၇)၊ မတ်လကထက် ထိုင်းဘတ်ငွေဖောင်းပွမှု (၀.၇၉)ရာခိုင်နှုန်းမြင့် တက်ခဲ့တယ်လို့ ထိုင်းစီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးမူဝါဒနဲ့ မဟာဗျူဟာရုံး၊ ညွှန်ကြားရေးမှူးချုပ် “ဖိချမ်နွတ် ဗွန်ကော်ပွန်”ကပြောပါတယ်။

လယ်ယာကဏ္ဍမဟုတ်တဲ့ လုပ်ငန်းတွေမှာ ထုတ်ကုန်နဲ့ဝန်ဆောင်မှုလုပ်ငန်းတွေရဲ့ဝယ်လို အားမြင့်တက်နေတာကြောင့် ထိုင်းဘတ်ငွေဖောင်းပွမှုမြင့်တက်လာပြီး ထိုင်းစီးပွားရေးနာလံပြန်ထနိုင်ဖို့ ကောင်းတဲ့အချက်ဖြစ် တယ်လို့ ဖိချမ်နွတ်ကပြောပါတယ်။ အသင့်စားအစားအစာတွေ၊ ယမကာတွေ၊ စွမ်းအင်ကဏ္ဍနဲ့ အိမ်ယာကဏ္ဍနဲ့ ပို့ဆောင်ရေး ကဏ္ဍတို့မှာ ဈေးတွေတက်လာတာကြောင့် ငွေကြေးဖောင်းပွနေတာပါ။ စက်သုံးဆီ၊ လတ်ဆတ်တဲ့အစားအစာနဲ့ ဆက်သွယ်ရေး ၀န်ဆောင်မှုတွေရဲ့ ဈေးနှုန်းတွေ ကျဆင်းခဲ့တာကလည်း ဈေးကွက်လည်ပတ်မှုကြောင့်ဖြစ်တယ်လို့သိရပါတယ်။ အခုဘဏ္ဍာနှစ်မှာတော့ ထိုင်းငွေကြေး ဖောင်းပွမှုက (၀.၇)ရာခိုင်နှုန်းကနေ(၁.၇)ရာခိုင်နှုန်းကြားမှာရှိနိုင်တယ်လို့ ဖိချမ်နွတ်က ခန့်မှန်းခဲ့ပါတယ်။ 

 

 

Related News