ပစိဖိတ်ဖြတ်ကျော်ပူးပေါင်းဆောင်ရွက်ရေး(TPP)လွတ်လပ်စွာ ကုန်သွယ်မှုသဘောတူညီချက် အမြန်ဆုံးအသက်ဝင်လာဖို့ နှစ်နိုင်ငံပူးပေါင်းဆောင်ရွက်သွားမယ်ဆိုပြီး ချီလီသမ္မတမစ်ချယ်လီ ဘာချီလတ်နဲ့ဂျပန်ဝန်ကြီးချုပ်ရှင်ဇို အာဘဲတို့ သဘောတူခဲ့ကြပါတယ်။ ဂျပန်နိုင်ငံကိုရောက်ရှိနေတဲ့ ချီလီသမ္မတဘာချီလတ်နဲ့ ၀န်ကြီးချုပ်အာဘဲတို့ ဖေဖော်ဝါရီလ(၂၃)ရက်က တွေ့ဆုံခဲ့ပြီး လာမယ့် မတ်လ(၉)ရက်မှာ ချီလီနိုင်ငံမှာလက်မှတ်ရေးထိုးမယ့် လွတ်လပ်စွာ ကုန်သွယ်ခွင့် ဆိုင်ရာစာချုပ်နဲ့ ပတ်သက်ပြီး ဆွေးနွေးခဲ့စဉ်မှာ ၀န်ကြီးချုပ်အာဘဲကပြောခဲ့တာပါ။

ချီလီနိုင်ငံရဲ့ လွတ်လပ်စွာ ကုန်သွယ်ခွင့်ရရေးအတွက် အားထုတ်ကြိုးပမ်းမှုတွေကို အာဘဲကချီးကျူးခဲ့ပြီး လွတ်လပ်စွာ ကုန်သွယ်ခွင့်ဟာ အရေးကြီးတဲ့ကိစ္စရပ်(၁)ခုဖြစ်တယ်လို့ ဘာချီလတ်ကတုံ့ပြန်ခဲ့ပါတယ်။ ချီလီနိုင်ငံမှာ သဘာဝဘေးအန္တရာယ်အကြိုပြင်ဆင်မှုအနေနဲ့ လူ(၄၀၀၀)လောက်ကို ဂျပန်ဘက်က လေ့ကျင့်မှုတွေ ပြုလုပ်ပေးသွားဖို့လည်း သဘောတူခဲ့ပြီး အဲဒီလေ့ကျင့်မှုတွေဟာ အမေရိကတိုက် အလယ်ပိုင်း၊ တောင်အမေရိကတိုက်နဲ့ ကာရေဘီယံပင်လယ်တို့မှာ ပျံ့နှံ့သွားဖွယ် ရှိနေတယ်လို့ ဂျပန်ဘက်က ယူဆနေပါတယ်။ (TPP) မှာပါဝင်တဲ့ အဖွဲ့ဝင်(၁၁)နိုင်ငံလုံးရဲ့ ဒေသဆိုင်ရာ လုပ်ငန်းစဉ်တွေ အားလုံးပြီးဆုံးပြီးနောက် (၆)လအကြာမှာ လွတ်လပ်စွာကုန်သွယ်ခွင့် စတင်အသက်ဝင်မှာ ဖြစ်ပါတယ်။ 

 

 

Related News