ဖမ်းမိထားတဲ့လျှို့ဝှက်ထောက်လှမ်းရေးသမားတွေကို ရုရှားနဲ့ အက်စ်တိုးနီးယား(၂)နိုင်ငံနယ်စပ်မှာ ဖေဖော်ဝါရီလ(၁၁)ရက်က အလဲအလှယ်လုပ်ခဲ့ကြပါတယ်။ ရုရှားနိုင်ငံမှာ ထောက်လှမ်းရေး လုပ်ခဲ့တာကြောင့် လုံခြုံရေးအဆင့်မြင့်ထောင်မှာ ထောင်ဒဏ်(၁၂)နှစ်ပြစ်ဒဏ်ကျခံနေရတဲ့ အက်စ်တိုးနီးယား နိုင်ငံသား ရာအီဗို ဆူဆီနဲ့ အက်စ်တိုးနီးယားနိုင်ငံမှာ ပြီးခဲ့တဲ့မေလက ဖမ်းမိခဲ့ပြီး ထောင်ဒဏ်(၅)နှစ်ကျခံနေရတဲ့ ရုရှားလျှို့ဝှက်ထောက်လှမ်းရေးသမား အာတီးန် ဇီချင်ကိုတို့ကို အလဲအလှယ်လုပ်ခဲ့တာဖြစ်ပါ တယ်။

(၂)နိုင်ငံသမ္မတတွေက လွတ်ငြိမ်းချမ်းသာခွင့်ပေးခဲ့တာကြောင့် ထောက်လှမ်းရေးသမား(၂)ဦးဟာ အိမ်ပြန်နိုင်ပြီဖြစ်တယ်လို့ ယူရိုနယူးစ်သတင်းဌာနက သတင်းဖော်ပြပါတယ်။ ရုရှားအထူးထောက်လှမ်းရေးတွေကြောင့်ဖြစ်စေတဲ့အန္တရာယ်တွေက ရုရှားပိုင်နက် ထဲမှာပိုများတယ်လို့ အက်စ်တိုးနီးယားရဲတွေကပြောပါတယ်။ အက်စ်တိုးနီးယားမှာ ရုရှားတွေထောက်လှမ်း ရေးလုပ် နေတာကြောင့် အက်စ်တိုးနီးယားတွေအနေနဲ့ တန်ပြန်ထောက်လှမ်းရေး လုပ်နေရတာ ဖြစ်တယ်လို့ အက်စ်တိုးနီးယားလုံခြုံရေး ရဲတပ်ဖွဲ့ရဲ့ပြောခွင့်ရသူ ဟာရစ် ပူးဆပ်ပ်ပြောပါတယ်။ အခုလျှို့ဝှက်ထောက်လှမ်းရေးသမားတွေလဲလှယ်တာက ရုရှားနဲ့ဘော်လ်တစ်ပင်လယ်ဒေကနိုင်ငံတွေကြား ထောက်လှမ်းရေးသမားတွေနဲ့ပတ်သက်တဲ့ နောက်ဆုံးဖြစ်ရပ်ဖြစ်ပါတယ်။

 

 

 

Related News