ပြင်သစ်ပေါင်မုန့်တွေကို ယဉ်ကျေးမှုဆိုင်ရာရတနာတစ်ခုအဖြစ်သတ်မှတ်သင့်ပြီး ကုလသမဂ္ဂရဲ့ ယဉ်ကျေးမှုအမွေအနှစ်စာရင်းမှာ ပါဝင်သင့်တယ်လို့ ပြင်သစ်သမ္မတ ““အီမန်နျူရယ် မက်ခရွန်””ကပြောပါတယ်။ ပြင်သစ်ပေါင်မုန့်တွေကို ယဉ်ကျေးမှုအမွေအနှစ် စာရင်းတင်သွင်းရေးအတွက် ပြင်သစ်အမျိုးသားမုန့်ဖုတ်သူများအသင်းက ယဉ်ကျေးမှုအမွေအနှစ်သတ်မှတ်ရေးကော်မတီကို အဆိုပြုချက် တင်သွင်းခဲ့ပြီးဖြစ်ပါတယ်။
 
အီတလီနိုင်ငံနေပယ်မြို့က ပီဇာမုန့်တွေကို ယဉ်ကျေးမှု အမွေအနှစ်အဖြစ် သတ်မှတ်ခဲ့တာကြောင့် ပြင်သစ်ပေါင်မုန့်တွေ ယဉ်ကျေးမှုအမွေအနှစ်စာရင်းဝင်ရေးအတွက် ပြင်သစ်မုန့်ဖုတ်သမားတွေက ကြိုးပမ်းနေကြတာပါ။ ကမ္ဘာ့နိုင်ငံချင်းဆက်ဆံရေး ပိုများလာတာကြောင့် နိုင်ငံ(၁)နိုင်ငံချင်းစီရဲ့ ရိုးရာဓလေ့တွေ မပျောက်ပျက်သွားရေးအတွက် ကုလသမဂ္ဂပညာရေး၊ သိပ္ပံပညာနှင့် ယဉ်ကျေးမှုဆိုင်ရာအဖွဲ့အစည်း(ယူနက်စကို)က ကြိုးပမ်းနေတာ ဖြစ်ပါတယ်။ ပြင်သစ်ပေါင်မုန့်တွေ ယူနက်စကိုရဲ့ ယဉ်ကျေးမှုအမွေအနှစ်စာရင်းဝင်ခဲ့မယ်ဆိုရင်တော့ အခု(၂၅၀)မြောက်ယဉ်ကျေးမှု အမွေအနှစ်ဖြစ်လာမှာ ဖြစ်ပါတယ်။     
 
 
 

Related News