ကတ်တလန် ဒေသခေါင်းဆောင်တွေဟာ ကတ်တလိုးနီးယားဒေသကို စပိန်နိုင်ငံထဲက ခွဲထွက်ပြီး လွတ်လပ်ရေးရယူမယ့်ကြေညာချက်ကို လက်မှတ်ရေးထိုးလိုက်ပြီဖြစ်ပါတယ်။ လွတ်လပ်ရေးရယူဖို့ ပြည်သူ့ဆန္ဒခံယူပွဲကျင်းပပြီးနောက်မှာ အခုလိုလက်မှတ်ထိုးမှု ထွက်ပေါ်လာတာပါ။

ကတ်တလိုးနီးယားဒေသန်္တရအစိုးရအဖွဲ့ဝင်တွေဟာ ဘာစီလိုနာမြို့က ဒေသန္တရပါလီမန်မှာ ဒေသခေါင်းဆောင် ကားလက်စ် ပူဒင်မောင့်ရဲ့ကြေညာချက်နဲ့အတူ လွတ်လပ်ရေးကြေညာချက်ကို လက်မှတ်ရေးထိုးလိုက်ပြီဖြစ်ပါတယ်။ ဒေသန္တရအစိုးရ ခေါင်းဆောင် ကားလက်စ်က ကတ်တလန်ဒေသခံတွေဟာ လွတ်လပ်သောသမ္မတနိုင်ငံအဖြစ်ထူထောင်ဖို့ လုပ်ပိုင်ခွင့်ပေး လိုက်ပြီလို့ ပါလီမန်မှာပြောကြားတဲ့ သူ့မိန့်ခွန်းအတွင်း ပြောကြားလိုက်တာလည်းဖြစ်ပါတယ်။ အောက်တိုဘာလ(၁)ရက်တုန်းက က ကျင်းပခဲ့တဲ့ပြည်သူ့ဆန္ဒခံယူပွဲမှာ ကတ်တလန်ဒေသခံတွေဟာ စပိန်နိုင်ငံထဲကနေ လွတ်လပ်ရေးယူမယ်ဆိုတာကို (၉၀) ရာခိုင်နှုန်းအထိ ထောက်ခံခဲ့ကြတာကို ဒေသခေါင်းဆောင်က ရည်ညွှန်းပြောကြားခဲ့တာပါ။

ကြေညာချက်ကို လက်မှတ်ထိုးပြီး ဖြစ်ပေမဲ့ လွတ်လပ်ရေးယူဖို့ကြေညာဦးမှာမဟုတ်ဘဲ စပိန်ဗဟိုအစိုးရရဲ့ ညှိနှိုင်းဆွေးနွေးတာတွေလုပ်ဦးမယ်လို့ သူကပြောပါတယ်။ အဲဒီပြည်သူ့ဆန္ဒခံယူပွဲဟာ တရားမ၀င်ဘူးလို့ စပိန်ဖွဲ့စည်းအုပ်ချုပ်ပုံ အခြေခံဥပဒေဆိုင်ရာခုံရုံးက ပြောထားသလို ဗဟို အစိုးရကလည်း အသိအမှတ်ပြုထားခြင်းမရှိပါဘူး။ အခုလို လွတ်လပ်ရေးကြေညာချက်လက်မှတ်ရေးထိုးတာကို စပိန်ဗဟို အစိုးရက ပယ်ချထားသလို ဒေသန္တရအစိုးရအဖွဲ့ခေါင်းဆောင် အဆိုပြုထားတဲ့ ဆွေးနွေးမှုတွေကို ပြုလုပ်သွားမှာမဟုတ်ဘူးလို့ ပြောထားပါတယ်။ စပိန်ဝန်ကြီးချုပ် မာရီယာနို ရာဂျွိုင်းဟာ စပိန်နိုင်ငံအတွင်း ရာစုနှစ်တစ်ဝက်အတွင်း နိုင်ငံရေးအကြပ်အတည်း နဲ့ပတ်သက်လို့ အစိုးရအဖွဲ့အရေးပေါ်အစည်းအဝေးခေါ်ယူသွားဖို့ရှိနေပါတယ်။ 

 

 

Related News