အဆိုတော် အက်ဒ်ရှီယန်၏ အာရှဖျော်ဖြေရေးအစီအစဉ်ဆိုင်ရာဖျော်ဖြေမည့်နေ့ရက်အတိအကျစာရင်းထွက်ရှိလာပြီ ဖြစ်ကြောင်းသိရသည်။ အက်ဒ်ရှီယန်၏ အာရှဖျော်ဖြေရေးခရီးစဉ်တွင် အရှေ့တောင်အာရှနိုင်ငံများဖြစ်သည့် ဘန်ကောက်၊ စင်ကာပူ၊ မလေးရှား၊ အင်ဒိုနီးရှား၊ ဖိလစ်ပိုင်စသည်တို့လည်း ပါဝင်ပြီးအောက်တိုဘာလ၂၂ ရက်နေ့တွင်တိုင်ပေ၊ ၂၅ ရက်နေ့တွင်ဂျပန်နိုင်ငံအိုဆာကာ၊ ၂၉ ရက်နေ့တွင်တောင်ကိုရီးယားနိုင်ငံဆိုးမြို့နှင့် ၃၁ ရက်နှင့် နိုဝင်ဘာလ ၁ ရက်နေ့တွင်ဂျပန်နိုင်ငံတိုကျိုမြို့တို့တွင်ဖျော်ဖြေမည်ဖြစ်သည်။

နိုဝင်ဘာလ ၄ - ၅ ရက်နေ့မှာဟောင်ကောင်၊ ၇ ရက်နေ့တွင်ဖိလစ်ပိုင်နိုင်ငံမနီလာမြို့၊ ၉ ရက်နေ့တွင်အင်ဒိုနီးရှားနိုင်ငံဂျာကာတာမြို့၊ ၁၁ ရက်နေ့တွင်စင်ကာပူ၊ ၁၄ ရက်နေ့တွင်မလေးရှားနိုင်ငံကွာလာလမ်ပူမြို့၊ ၁၆ ရက်နေ့တွင်ထိုင်းနိုင်ငံဘန်ကောက်၊ ၁၉ ရက်နေ့တွင်အိန္ဒိယနိုင်ငံမွမ်ဘိုင်းနှင့် ၂၃ ရက်နေတွင် UAE နိုင်ငံဒူဘိုင်းမြို့တို့တွင်ဖျော်ဖြေသွားမည်ဖြစ်ကြောင်းသိရသည်။

လက်ရှိတွင်ကမ္ဘာ့ကျော်အဆိုတော်တစ်ဦးဖြစ်သည့် အက်ဒ်ရှီယန်၏မကြာသေးမီက ဖြန့်ချိလိုက်သည့် ၎င်း၏တတိယအယ်လ်ဘမ် Divide တွင်ပါရှိသော"Shape of You" နှင့် "Castle on the Hill" သီချင်းတို့သည် ကမ္ဘာ့ကြည့်ရှုသူအများဆုံးသီချင်းများအဖြစ်ရပ်တည်ခဲ့ကြသည်။

 

Related News