ဖိလစ်ပိုင်ကျန်းမာရေးအာဏာပိုင်တွေက ခြင်ကြောင့်ဖြစ်တဲ့သွေးလွန်တုပ်ကွေးရောဂါကိုတိုက် ဖျက်နိုင်မယ့်အားထုတ်မှုတွေပိုတိုးလုပ်ဆောင်နေပါတယ်။အခုနှစ်အစကတည်းကဖိလစ်ပိုင်နိုင်ငံမှာသွေးလွန်တုပ်ကွေးရောဂါကြောင့် လူ(၆၂၀)ကျော်သေဆုံးခဲ့ပြီးရောဂါကူးစက်ခံခဲ့ရသူ (၁၄၀၀၀)ရှိခဲ့လို့ လူတွေကိုသွေးလွန်တုပ်ကွေးထပ်မကူးစေဖို့ ဖိလစ်ပိုင်ကျန်းမာရေးအာဏာပိုင်တွေကပိုကြိုးစားနေကြပါတယ်။ (၂၀၁၈)ခုနှစ်ကသွေးလွန်တုပ်ကွေးကူးစက်သူဦးရေထက် အခုနှစ်မှာ (၉၈)ရာခိုင်နှုန်းပိုမြင့်တက်လာလို့ တစ်နိုင်ငံလုံးမှာသွေးလွန်တုပ်ကွေးပျံ့နှံ့နေတယ်လို့ ကျန်းမာရေးအာဏာပိုင်တွေကကြေညာခဲ့တာပါ။ မိုးရာသီမှာကူးစက်ခံရတဲ့ဖြစ်ရပ်တွေပိုများလာဖို့လည်းရှိနေပါတယ်။ ကူးစက်ခံရသူ(၃၀)ရာခိုင်နှုန်းနဲ့ သေဆုံးသူ(၄၀)ရာခိုင်နှုန်းဟာအသက်(၅)နှစ်ကနေ (၉)နှစ်ကြားကလေးငယ်တွေဖြစ်နေတာပါ။

ရောဂါပျံ့နှံ့မှုပိုဆိုးလာတဲ့အခြေအနေကြောင့် ကျန်းမာရေးအာဏာပိုင်တွေကဖိလစ်ပိုင်အမျိုးသားဘေး အန္တရာယ်လျှော့ချရေးစီမံခန့်ခွဲမှုကောင်စီ၊ ပြည်သူ့ရေးရာအာဏာပိုင်တွေ၊ ရဲတွေနဲ့ အသိပညာပေးသူတွေနဲ့ ပူးပေါင်းပြီးအခြေအနေကိုဖြေရှင်းနိုင်ဖို့ အစီအစဉ်အမျိုးမျိုးဆောင်ရွက်နေပါတယ်။ ကျောင်းတွေ၊ မိဘတွေအနေနဲ့ ကလေးငယ်တွေရဲ့ကျန်းမာရေးကိုပိုအလေးထားဖို့အကြံပေးနေသလို ခြင်တွေပေါက်ဖွားနိုင်တဲ့ရေ၀ပ်မြေတွေကိုသန့်ရှင်းတာ၊ ပိုးလောက်လန်းသတ်ဆေးဖြန်းတာ၊ ကလေးငယ်တွေခြင်ကိုက်မခံရအောင် အ၀တ်အစားလုံလုံခြုံခြုံဝတ်ပေးတာနဲ့ ရောဂါလက္ခဏာပြနေတဲ့ကလေးငယ်တွေကိုလည်းဆေးရုံအမြန်ဆုံးပို့တာတွေလုပ်ဖို့ ကျန်းမာရေးအာဏာပိုင်တွေကတိုက်တွန်းနေပါတယ်။

 

 

Related News