ဆီးရီးယားနိုင်ငံအရှေ့ပိုင်းတွင်ဆေးကုသမှုဆိုင်ရာအဆောက်အဦများတိုက်ခိုက်ခံခဲ့ရကြောင်းနှင့် ယင်းတိုက်ခိုက်မှုကြောင့် ၀က်သက်နှင့် ပိုလီယိုကာကွယ်ဆေးပေါင်း ၁၃၀၀၀၀ ကျော်သိမ်းဆည်းထားသည့် ဆေးသိုလှောင်ရုံတစ်ခုပျက်စီးခဲ့ရကြောင်းအစီရင်ခံစာများကိုလက်ခံရရှိခဲ့သည်ဟုကမ္ဘာ့ကျန်းမာရေးအဖွဲ့ (WHO) က ယမန်နေ့တွင် ထုတ်ပြန်ကြေငြာခဲ့သည်။

အဆိုပါ တိုက်ခိုက်မှုသည် သေချာပါကထောင်ပေါင်းများစွာသောဆီးရီးယားကလေးငယ်များသည် သေစေနိုင်သည့် ၀က်သက်နှင့် ပိုလီယိုရောဂါများကူးစက်ခံစားရနိုင်ဖွယ် ရှိသည့် အန္တရာယ်ရှိသောအခြေအနေသို့ရောက်ရှိနိုင်သည်ဟု WHO က ပြောကြားခဲ့ကြောင်းသိရသည်။

ဆီးရီးယားရှိတိုက်ပွဲများဖြစ်ပွားနေသည့်ဒေသများတွင် ၀က်သက်နှင့် ပိုလီယိုရောဂါများသည် လျှင်မြန်စွာကူးစက်ပြန့်ပွားနိုင်သည် ဟုသိရသည်။ ဆီးရီးယားအရှေ့ဘက် Deir al-Zor မြို့အနီးMayadinခရိုင်ရှိကျန်းမာရေးဆိုင်ရာအဆောက်အဦများမှ ကာကွယ်ဆေးသိုလှောင်ရာအအေးခန်းများတိုက်ခိုက်ခံခဲ့ရခြင်းဖြစ်ပြီး ၀က်သက်ကာကွယ်ဆေး ၁၀၀၀၀၀၊ ပိုလီယိုရောဂါကာကွယ်ဆေး ၃၅၀၀၀ နှင့် ဆေးထိုးအပ်ပြွန်များနှင့် အခြားကိရိယာများစွာသိမ်းဆည်းထားသည့် သိုလှောင်ရုံတစ်ခုပျက်စီးခဲ့ရခြင်းဖြစ်သည်။ 

 

Related News