ဖိလစ်ပိုင်နိုင်ငံစိုက်ပျိုးရေးဦးစီးဌာနဟာ ဖိလစ်ပိုင်နိုင်ငံမြောက်ပိုင်း ပမ်ပန်ဂါမြို့မှာရှိတဲ့ ကြက်အကောင်(၁၂၀၀၀)နီးပါးကို သုတ်သင် ခဲ့ပါတယ်။ဖိလစ်ပိုင်နိုင်ငံမှာ ကြက်ငှက်တုပ်ကွေးရောဂါ လက္ခဏာရှိတဲ့ ကြက်တွေတွေ့ရှိတယ်ဆိုတဲ့သတင်းတွေ ထွက်ပေါ်လာပြီးနောက်မှာ အခုလို သုတ်သင်တာကိုပြုလုပ်ခဲ့တာပါ။ ရောဂါပျံ့နှံ့မှုကိုတားဆီးဖို့အတွက် အခုသုတ်သင်လိုက်တဲ့ ကြက်တွေကို ပလတ်စတစ်နဲ့ပတ်ပြီး ကာဗွန်မိုနောက်ဆိုက်ဓာတ်ငွေ့တွေဖြန်းထားမှာဖြစ်တယ်လို့ စိုက်ပျိုးရေးဦးစီးဌာနက ထုတ်ပြန်ပါတယ်။ ရောဂါပိုးပါဝင်တယ်လို့ သံသယရှိတဲ့ ကြက်အကောင်ရေ (၁၀၀၀၀၀)ကျော်ကို သုတ်သင်ဖို့ရှိနေသေးတယ်လို့ လည်း စိုက်ပျိုးရေးဦးစီးဌာနက သိရပါတယ်။ 

စိုက်ပျိုးရေးခြံပိုင်ရှင်တချို့က သူတို့ခြံတွေရဲ့ထွက်ကုန်တွေနဲ့ကြက်ဥတွေကို တရားမ၀င်ရောင်းဝယ်ဖို့ ကြိုးစားခဲ့ပေမယ့် အာဏာပိုင်တွေက တရားမ၀င်တာတွေကို သိမ်းယူခဲ့တယ်လို့ဆိုပါတယ်။ တိရစ္ဆာန် ဆေးကုသရေးနဲ့ ငါးလုပ်ငန်းဌာနကတော့ ဆီဘူးပြည်နယ်မှာရောင်းချနေတဲ့ ကြက်သား တွေကို ပမ်ပန်ဂါမြို့ကလာတဲ့ ကြက်ငှက်တုပ်ကွေးသံသယရှိတဲ့ ကြက်သားတွေဟုတ်၊ မဟုတ် ဆိုတာကို စစ်ဆေးနေပါတယ်။ 

Related News