နေရောင်ကာခရင်မ်များ ပမာဏများစွာသုံးစွဲသည့်သူများတွင် ဗီတာမင် ဒီ ချို့တဲ့မှုဖြစ်ပွားစေနိုင်ကြောင်း လေ့လာတွေ့ရှိမှု အသစ်တစ်ခုအရ သိရသည်။ ကမ္ဘာတစ်ဝန်းရှိ လူဦးရေ ၁ ဘီလီယံနီးပါးတို့သည် နာတာရှည်ရောဂါခံစားနေရခြင်းနှင့် နေရောင်ကာခရင်မ်များသုံးစွဲခြင်းတို့ကြောင့် နေရောင်ခြည်ထိတွေ့မှုကို မရရှိဘဲ ဗီတာမင်ဒီချို့တဲ့မလုံလောက်မှုများ ဖြစ်ပွား နေလျက်ရှိသည်ဟု သိရသည်။  ယနေ့ခေတ်လူသားတို့သည် အပြင်၌အချိန်ကုန်လွန်ခြင်းနည်ပါးလာကြကာ အပြင်သို့ ထွက်သည့်အခါတွင်လည်း နေရောင်ကာခရင်မ်များ လိမ်းထားခြင်းတို့ကြောင့် ခန္ဓာကိုယ် အဟာရအတွက် မရှိမဖြစ် လိုအပ်သည့် ဗီတာမင်ဒီကို မရရှိကြတော့ပဲ ဗီတာမင် ဒီ ချို့တဲ့မှုဖြစ်ပွားလာကြခြင်းဖြစ်သည်။ အရေပြားကင်ဆာ မဖြစ်ပွားအောင် နေရောင်ခြည်ထိတွေ့မှုကို ကယကွယ်နေကြသည့် ယနေ့ခေတ်ကြီးထဲတွင် လူသားများအနေဖြင့် အသင့်အတင့်သောနေရောင်ခြည်ပမာဏသည် လူ့ခန္ဓာကိုယ်အတွက် အလွန်းအကျိုးပြုသည့် ဗီတာမင် ဒီဓာတ်ကို ထုတ်လုပ်ပေးကာ ကျန်းမာရေးကောင်းမွန်စေသည်ဟူသည့် အချက်ကို သတိချပ်သင့်ကြောင်း သုတေသီများက သတိပေးပြောကြားထားသည်။ ဗီတာမင် ဒီ ချို့တဲ့မှုကြောင့် ကြွက်သားများအားနည်းလာခြင်းနှင့် အရိုးကျိုးလွယ်ခြင်းဋ္ဌ ပွခြင်းများဖြစ်ပွားစေနိုင်ကြောင်းသိရသည်။

 

 

Related News