စင်ကာပူနိုင်ငံတွင် သောက်သုံးရေဈေးနှုန်းကို ၃၀ ရာခိုင်နှုန်း ထပ်မံတိုးမြှင့်သတ်မှတ်လိုက်ကြောင်းနှင့်  ယင်းသို့တိုးမြှင့် သတ်မှတ်ရခြင်းသည် ရေအရင်းအမြစ်နှင့် ထုတ်လုပ်မှုကုန်ကျစရိတ် ကြီးမားမှုကြောင့် မလွှဲမရှောင်သာ လုပ်ဆောင်ရခြင်း ဖြစ်ကြောင်း ဝန်ကြီးချုပ်လီရှန်လွန်းက ပြောကြားခဲ့သည်ဟု သိရသည်။ ဘဏ္ဍာရေးဝန်ကြီး၏ အဆိုပါ သောက်သုံးရေ ဈေးနှုန်းတိုးမြှင့်သတ်မှတ်မည့် ထုတ်ပြန်ကြေညာမှုကို စင်ကာပူပြည်သူများက ပြင်းထန်စွာ ဝေဖန်မှုများ ပြုလုပ်ကာ တုန့်ပြန်ခဲ့ကြောင်း သိရသည်။ နိုင်ငံ၏ ရေအရင်းအမြစ်ဌာနကလည်း ရေသန့်စင်စက်ရုံသစ်များ တည်ဆောက်မှုကဲ့ သို့သော အခြေခံအဆောက်အအုံမျိုးစုံအတွက် ရင်းနှီးမြှုပ်နှံမှုများပြုလုပ်နေလျက်ရှိကြောင်းလည်း လီရှန်လွန်းက ပြောကြားခဲ့သည်ဟု သိရသည်။ စီးပွားရေးဖွံ့ဖြိုးတိုးတက်လာမှုနှင့်အတူ နိုင်ငံ၏ရေလိုအပ်ချက်ကလည်း မြင့်မားလာလျက် ရှိပြီး ရာသီဥတုပြောင်းလဲမှုကြောင့် ရေအရင်းအမြစ်သည်လည်း လျော့နည်းလာလျက်ရှိကြောင်းလည်း ၎င်းကပြောကြားခဲ့ သည်။ စင်ကာပူနိုင်ငံ၏ ရေလိုအပ်ချက် ထက်ဝက်ကျော်ကို Linggiu ရေလှောင်ကန်မှ ရယူသုံးစွဲနေခြင်းဖြစ်ပြီးပြီး အဆိုပါ ရေလှောင်ကန်၏ ရေပမာဏသည် လတ်တလောကာလများအတွင်း စံချိန်တင်လောက်အောင် လျော့နည်းခဲ့ရသည်ဟု သိရှိရသည်။ 

 

Related News