ကမ္ဘောဒီးယားနိုင်ငံမှာ အသက်ငါးလသားကနေ (၇)နှစ်ကျော်ရှိကလေးတွေကို ၀က်သက် ရောဂါကာကွယ်ဆေးထောက်ပံ့ရေး လှုပ်ရှားမှုကို ကမ္ဘောဒီးယားကျန်းမာရေးဝန်ကြီးဌာနက စတင်ဆောင်ရွက်နေပြီဖြစ်ပါတယ်။ ခုလိုလုပ်ဆောင်တာဟာ ၀က်သက်ရောဂါပျံ့ပွားမှုကို တားဆီးဖို့နဲ့ ကမ္ဘောဒီးယားနိုင်ငံမှာ ဖြစ်ပွားနေတဲ့ ရီဘယ်လာအမည်ရှိ ၀က်သက်ရောဂါကို သုတ်သင်ရေး နည်းဗျူဟာတွေကို အကောင်အထည်ဖော်ဖို့ ရည်ရွယ်တာဖြစ်တယ်လို့ မိခင်နဲ့ ကလေးကျန်းမာရေး စောင့်ရှောက်ရေးစင်တာ ဥက္ကဌ မစ္စတာတန်ရိုသာဗီက အတည်ပြုပြောဆိုလိုက်ပါတယ်။ လှုပ်ရှားမှုကို ကမ္ဘာ့ကျန်းမာရေးအဖွဲ့နဲ့ ကုလသမဂ္ဂကလေးများရံပုံငွေအဖွဲ့တွေနဲ့ ပူးပေါင်းပြီး ဆောင်ရွက်တာ ဖြစ်ပါတယ်။ ခုလိုဆောင်ရွက်တာဟာ ၀က်သက်ရောဂါကူးစက်နိုင်တဲ့ စာသင်ကျောင်းတွေနဲ့ မြို့တွင်းတစ်ချို့ နေရာတွေမှာ ၀က်သက်ရောဂါကာကွယ်ဆေးတွေထောက်ပံ့ဖို့ ရည်ရွယ်တာ ဖြစ်ပါတယ်။ ပထမအကြိမ်လှုပ်ရှားမှုကို မြို့တော်ဖနွမ်းပင်နဲ့  စီရင်စု(၁၅)ခုမှာ   (၂၀၁၇)ခုနှစ် မတ်လ(၂၇)ရက်ကနေ ဧပြီလ(၃)ရက်ထိအောင်လုပ်ဆောင်မှာဖြစ်ပြီး၊ မေလ(၂)ရက်နေ့ကနေ (၉)ရက်နေ့ထိအောင်လုပ်ဆောင်မဲ့ ဒုတိယအကြိမ်လှုပ်ရှားမှုကို  တစ်ခြားစီရင်စု (၁၁)ခုမှာလုပ်မှာ ဖြစ်တယ်လို့ မစ္စတာတန်ရိုသာဗီက ပြောပါတယ်။

 

 

Related News