အမေရိကန်ကျန်းမာရေးသုတေသီများ၏ ပြောကြားချက်အရ အသံတိတ်လူသတ်သမားဟု အများသိကြသည့် ရုတ်တရက် နှလုံးတိုက်ခိုက်ခံရမှု (Heart Attack) ဖြစ်ပွားပြီး နှလုံးရပ်တန့်မှုကြုံတွေ့ရနိုင်ခြေသည် ဆေးခြောက်သုံးစွဲနေသူများတွင် သာမာန်လူများထက်  ၄ ဆကျော် ပိုမိုဖြစ်ပွားနိုင်ကြောင်း သိရသည်။ အဆိုပါ သုတေသနကို ၅ နှစ်ကြာ အချိန်ယူလေ့လာ ခဲ့ခြင်းဖြစ်ပြီး သုတေသနရလဒ်အရ အသက် ၃၀ မတိုင်မီတွင် ဆေးခြောက်ကို ပုံမှန်သုံးစွဲခဲ့သူများသည် ဆေးခြောက်မသုံး သူများနှင့်ယှဉ်လျှင် နှလုံးကြွက်သားနှင့် ဆက်နွှယ်နေသည့် ရောဂါများဖြစ်နိုင်ခြေ ၄.၆ ဆ ပိုများနေသည်ဟု သိရှိရသည်။

အသက် ၂၀ နှောင်းပိုင်းအရွယ်တွင် ဆေးခြောက်သုံးစွဲသူများကမူ ရုတ်တရက်နှလုံးရပ်တန့်မှု ဖြစ်နိုင်ခြေ ၃ ဆ ပိုများသည်ဟုလည်း သိရသည်။  ဆေးခြောက်ကို ရေရှည်သုံးစွဲသူများသည် စိတ်ကျဆင်းမှုရောဂါ၊ စိတ်ကစဥ့်ကလျား ဖြစ်ခြင်းရောဂါတို့ကဲ့သို့သော စိတ်ပိုင်းဆိုင်ရာ မူမမှန်ခြင်းများဖြစ်ပွားလေ့ရှိသည်။ ယခုတွေ့ရှိခဲ့သည့် သုတေသန ရလဒ်ကို အမေရိကန်နိုင်ငံ ဝါရှင်တန်မှာ တွင်ကျင်းပပြုလုပ်သည့် American College of Cardiology နှစ်ပတ်လည်ညီလာခံ၌ ထုတ်ဖော်ပြောကြားခဲ့ခြင်းဖြစ်သည်။

 

Related News