ကွယ်လွန်သွားပြီဖြစ်သည့် ကမ္ဘာ့ထိပ်တန်းအဆိုတော်ကြီးတစ်ဦးဖြစ်သည့် မိုက်ကယ်ဂျက် ဆင်၏ အောင်မြင်ကျော်ကြားခဲ့သောတေးသီချင်းအချို့မှာခိုးချထားသည့်တေးသီချင်းများဖြစ်ကြောင်းနာမည်ကြီးတေးသီချင်းထုတ်လုပ်သူကွင်စီဂျုံးစ်ကယခုဖွင့်ဟပြောကြားလိုက်သည်ဟုသိရသည်။

ယင်းအကြောင်းအရာအားလူသိရှင် ကြားထုတ်ဖော်ပြောကြားရန် အစီအစဉ်မရှိကြောင်း၊ မိုက်ကယ်သည် ၄င်း၏ရည်မှန်းချက်အောင်မြင်ရန်တစ်ခုတည်းသာဦးတည်ကာတေးသီချင်းများစွာခိုးချခဲ့သူဖြစ်ကြောင်းကွင်စီဂျုံးစ်ကပြောကြားလိုက်ခြင်းဖြစ်သည်။ ဂျုံးစ်ထုတ်လုပ်ပေးခဲ့ သည့် “Thriller” အမည်ရှိတေးအယ်လ်ဘမ်တွင် ပါဝင်သည့် “Billie Jean” သီချင်းအားအဓိကရည်ရွယ်၍ ပြောကြားလိုက်ခြင်းဖြစ်သည်။

အဆိုပါတေးသီချင်းနှင့် ဒစ္စကိုနာမည်ကျော် Donna Summer ၏ State of Independence အမည် ရှိတေးသီချင်းတို့အကြားတူညီမှုတို့ကိုထောက်ပြခဲ့သည်။ ယင်း State of Independence တေးသီချင်းကိုလည်းဂျုံးစ် က စီစဉ်ထုတ်လုပ်ခဲ့ခြင်းဖြစ်ကာ ၁၉၈၂ ခုနှစ်မတိုင်မီက ဖြန့်ချိခဲ့ခြင်းဖြစ်သည်ဟုသိရသည်။ မိုက်ကယ်ဂျက်ဆင်သည် အလွန်လောဘကြီးသူတစ်ဦးလည်းဖြစ်သလို ၄င်း၏ Don’t Stop Til You Get Enough အမည်ရှိတေးသီချင်းအတွက် လည်းကီးဘုတ်တီးပေးသူ Greg Phillinganesအားတေးရေးသူအမည်နေရာ၌ဖော်ပြပေးသင့်ကြောင်းဂျုံးစ်ကထပ် လောင်းဖွင့်ဟခဲ့သည်။ 

 

 

Related News