တောင်ကိုရီးယားနိုင်ငံ၏ လျှမ်းလျှမ်းတောက်နာမည်ကြီးမဂ္ဂဇင်းဖြစ်သော ELLE ၏ လာမည့် ၂၀၁၈ ခုနှစ်အတွက် ပထမဦးဆုံးမျက်နှာဖုံးပိုင်ရှင်အဖြစ် တောင်ကိုရီးယားထိပ်တန်းမင်းသားချော Gong Yooအားရွေးချယ်ဖော်ပြလိုက်ကြောင်းသိရှိရသည်။ ELLE မဂ္ဂဇင်း၏ ၂၀၁၈ ခုနှစ်၊ ဇန်န၀ါရီလမျက်နှာဖုံးဓာတ်ပုံများကို Gong Yoo က ကောင်းကင်ပြာကြီးအားနောက်ခံထားကာပုံဖော်ရိုက်ကူးထားသည်။

မျက်နှာဖုံးဓာတ်ပုံများရိုက်ကူးပြီးနောက် Gong Yoo က ၄င်း၏အောင်မြင်ကျော်ကြားခဲ့သော Goblin ဇာတ်လမ်းတွဲနှင့် ပတ်သက်ပြီးလည်းရင်ဖွင့်ခဲ့သည်ဟုသိရသည်။ အလွန်ဖိစီးလွန်းသည့် လုပ်ငန်းတာဝန်များအကြား ထိတ်လန့်မှုနှင့်အတူအရုပ်ကြိုးပြတ်ပင်ပန်းနွမ်းနယ်မှုတို့ကိုပါ တပြိုင်နက်ခံစားခဲ့ ရကြောင်း၊ ထို့ကြောင့်လည်း ၄င်းအနေဖြင့် တချို့အရာများအားစွန့်လွှတ်ခဲ့ပြီး ကိုယ်ပိုင်ဘ၀ဆီကိုသာ ပြန်လာရန် ဆုံးဖြတ် ခဲ့ကြောင်းဖွင့်ဟခဲ့သည်။

လတ်တလောတွင် ၄င်း၏စိတ်ပင်ပန်းမှုအခြေအနေများကြောင့် လက်ခံထားသည့် လုပ်ငန်းတစ်စုံတစ်ရာမရှိသေးဘဲ ၄င်းနှင့် ရင်းနှီးသူမိတ်ဖက်များနှင့် လက်တွဲကာလုပ်ငန်းသစ်များလုပ်ဆောင်လိုသည့် စိတ်ဆန္ဒတော့ရှိကြောင်းပြောကြားခဲ့သည်။ 

 

 

Related News