အသက် ၄၆ နှစ်အရွယ် အမေရိကန် စီးပွားရေးသမားမင်းသားတစ်ဦးဖြစ်သူမာ့ခ်ဝေါလ်ဘာ့ဂ်သည် တစ်နှစ်အတွင်းဝင်ငွေ ဒေါ်လာ ၆၈ သန်းဖြင့် ကမ္ဘာကျော် Forbes မဂ္ဂဇင်း၏ ၂၀၁၇ ခုနှစ်၏ ကမ္ဘာ့ဝင်ငွေအကောင်းဆုံးမင်းသားအဖြစ် ရပ်တည်နိုင်ခဲ့ကြောင်းသိရသည်။ ၎င်း၏ ၀င်ငွေသည် ၂၀၁၇ ခုနှစ်၏ ကမ္ဘာ့ဝင်ငွေအကောင်းဆုံးမင်းသမီးအဖြစ်ရပ်တည်ခဲ့သည့်အမ်မာစတုန်းထက် ဝင်ငွေ ၂ ဆ ပိုများကြောင်းလည်းသိရသည်။

မာ့ခ်သည်နပန်းသမားဘဝမှမင်းသားဖြစ်လာသည့်ဒွိန်းဂျွန်ဆင် (The Rock) ကိုကျော်တက်ကာကမ္ဘာ့ဝင်ငွေအကောင်းဆုံးမင်းသားဖြစ်လာခဲ့ခြင်းဖြစ်သည်။The Rock ကမူဝင်ငွေ ဒေါ်လာ ၆၅ သန်းဖြင့် ဒုတိယဝင်ငွေအကောင်းဆုံးမင်းသားဖြစ်လာာခဲ့ပြီးFast & Furious မင်းသားဘင်းန်ဒီဇယ်က ၀င်ငွေ ဒေါ်လာ ၅၄.၅ သန်းဖြင့်တတိယနေရာတွင်ရပ်တည်နေကြကြောင်းသိရသည်။ အဆိုပါ တစ်နှစ်အတွက် ၀င်ငွေအကောင်းဆုံးမင်းသားမင်းသမီးစာရင်းများကို Forbes မဂ္ဂဇင်းက ပြုစုစစ်ဆေးပြီးနှစ်စဉ်ထုတ်ပြန်ပေးနေခြင်းဖြစ်သည်။ မကြာမီကထွက်ရှိထားသည့် ၎င်း၏ Transformers ဇာတ်ကားသည် ဝင်ငွေမကောင်းခဲ့သော်လည်းမာ့ခ်ကမူ ၀င်ငွေအကောင်းဆုံးမင်းသားအဖြစ်ရပ်တည်နိုင်ခဲ့သည်။ မာ့ခ်သည် မကြာမီထွက်ရှိမည့် Daddy's Home 2 ဇာတ်ကားတွင်လည်း ပါဝင်သရုပ်ဆောင်ထားကြောင်း သိရသည်။

 

 

Related News