ကမ္ဘောဒီးယားနိုင်ငံမှာ အနိမ့်ဆုံးလုပ်ခလစာအနေနဲ့ တစ်လကို အမေရိကန်ဒေါ်လာ (၁၇၀)ဒေါ်လာသတ်မှတ်ထားပြီး လုပ်သားတွေအနေနဲ့ (၂၀၁၈)ခုနှစ်ဇန်န၀ါရီလမှာ စတင်ပြီး တိုးမြှင့်လစာကိုရရှိမှာဖြစ်ပါတယ်။ ကမ္ဘောဒီးယားနိုင်ငံက အထည်ချုပ်လုပ်ငန်းတွေ၊ချည်မျှင်နဲ့အထည်အလိပ်လုပ်ငန်းတွေနဲ့ ဖိနပ်စက်ရုံတွေလုပ်သား (၁)သန်းနီးပါးဟာ (၂၀၁၈)နှစ်စမှာစတင်ပြီး လုပ်ခလစာတိုးမြင့် ရရှိတော့မှာ ဖြစ်ပါတယ်။ အောက်တိုဘာလ(၅)ရက်မှာ ကမ္ဘောဒီးယားအစိုးရကိုယ်စားလှယ်တွေ၊ အလုပ်သမားတွေနဲ့ အလုပ်သမားသမဂ်္ဂအဖွဲ့တွေဟာ အနိမ့်ဆုံးလုပ်ခလစာကို တစ်လမှာ အမေရိကန်ဒေါ်လာငွေ (၁၇၀)ဒေါ်လာအထိတိုးမြှင့်ပေးဖို့ သဘောတူခဲ့ကြတာဖြစ်ပါတယ်။
 
လချီကြာအောင် အစည်းအဝေးတွေနဲ့ ညှိနှိုင်းတာတွေပြုလုပ်ပြီးနောက် ကမ္ဘောဒီးယားအလုပ်သမားဝန်ကြီး အစ်ဆမ်ဟန်က အနိမ့်ဆုံး လုပ်ခလစာကို တိုးမြှင့်ဖို့ သဘောတူခဲ့ကြတာဖြစ်ပါတယ်။(၂၀၁၈)ဇန်န၀ါရီလမှာစတင်ပြီး ကမ္ဘောဒီးယား နိုင်ငံက စက်ရုံပေါင်း(၁၀၀၀)ကျော်မှာရှိတဲ့ လုပ်သား(၁)သန်းနီးပါးကို လုပ်ခလစာတွေ တိုးမြှင့်ပေး သွားတော့မှာဖြစ်တယ်လို့ ကမ္ဘောဒီးယားအလုပ်သမားဝန်ကြီးဌာနက ပြောပါတယ်။ကမ္ဘောဒီးယားနိုင်ငံက လုပ်သားတွေဟာ လက်ရှိမှာ အနိမ့်ဆုံးလုပ်ခလစာအနေနဲ့ တစ်လကို အမေရိကန် ဒေါ်လာငွေ(၁၅၆) ဒေါ်လာရရှိနေတာဖြစ်ပါတယ်။အောက်တိုဘာလ(၅)ရက်က ထုတ်ပြန်ချက်အရ ကမ္ဘောဒီးယားနိုင်ငံက လုပ်သားတွေဟာ အလုပ်သင်အနေနဲ့ စတင်အလုပ်လုပ်ချိန်မှာ လုပ်ခလစာငွေ တစ်လကို အမေရိကန်ဒေါ်လာ (၁၆၅)ဒေါ်လာရရှိမှာဖြစ်ပြီး အမြဲတမ်းဝန်ထမ်းအဖြစ်စတင်လုပ်ကိုင်ချိန်မှာတော့ လုပ်ခလစာငွေတစ်လကို အမေရိကန်ဒေါ်လာ (၁၇၀)ဒေါ်လာရရှိမှာဖြစ်ပါတယ်။
 
 

Related News