ဂျပန်နိုင်ငံက နစ်ဆန်းကားကုမ္ပဏီဟာ (၂၀၁၄)ခုနှစ်နဲ့ (၂၀၁၇)ခုနှစ်အတွင်း ထုတ်လုပ်ရောင်းချခဲ့တဲ့ ကားတွေထဲမှာ ပြည်ပကို မတင်ပို့ခင် နောက်ဆုံးအဆင့် စစ်ဆေးနိုင်ခြင်း မရှိခဲ့တဲ့ကားစီးရေ(၁) သန်းကျော်ကို ပြန်သိမ်းသွားမှာဖြစ်တယ်လို့ ပြောပါတယ်။ နစ်ဆန်းကားကုမ္ပဏီဟာ ပြည်ပကို မတင်ပို့ခင်မှာ စက်ရုံထုတ်ကားကို  အစိုးရအသိအမှတ်ပြု လုပ်သားတွေက စက်ရုံအတွင်းမှာ မစစ်ဆေးလိုက်နိုင်တဲ့ကားစီးရေ(၁.၂)သန်းကျော်ကို ဈေးကွက်ထဲ ကနေ ပြန်လည်သိမ်းဆည်သွားမယ်လို့ပြောပါတယ်။ ကား တွေကို မစစ်ဆေးခဲ့တာ တွေရှိခဲ့တယ်ဆိုတာကို ဂျပန်ပို့ဆောင်ရေးဝန်ကြီးဌာနက ကုမ္ပဏီဘက်ကို အသိပေးခဲ့တာလို့ နစ်ဆန်းကုမ္ပဏီရဲ့ဥက္ကဌနဲ့အလုပ်အမှုဆောင်အရာရှိချုပ်တာဝန်ယူထားတဲ့ ဟီရိုတို ဆာအီကာဝါကပြောပါတယ်။
 
ပြန်သိမ်းသွား မယ့်ကားတွေဟာ(၂၀၁၄)အောက်တိ်ုဘာလနဲ့ အခုနှစ်စက်တင်ဘာလကြားမှာထုတ်လုပ်ခဲ့တဲ့ကားတွေ ဖြစ်တယ်လို့ သူက ပြောပါတယ်။ နစ်ဆန်းကုမ်္ပဏီက ထုတ်လုပ်တဲ့မော်တော်ယာဉ်တွေကို ယုံကြည်ခဲ့တဲ့သုံးစွဲသူတွေကို တောင်းပန် တယ်လို့လည်း သူကပြောပါတယ်။ ပြန်သိမ်းသွားမယ့်ကားတွေရဲ့တန်ဖိုးစုစုပေါင်းဟာ အမေရိကန် ဒေါ်လာ သန်း(၂၂၀)ကျော်ရှိမယ်လို့သိရ ပါတယ်။ ပြင်ပစုံစမ်းရေးအဖွဲ့အစည်းတစ်ခုနဲ့ ပူးပေါင်းပြီး စုံစမ်းမှုတွေလုပ်ဆောင်သွားမယ့်အပြင် ကုမ္ပဏီဘက်က လုပ်ဆောင် သွားမယ့် ကြိုတင်ကာကွယ်ရေး လုပ်ငန်းစဉ်တွေကို ဂျပန်ပို့ဆောင်ရေးဝန်ကြီးဌာနဆီအစီရင်ခံစာတင်သွင်းသွား မှာဖြစ်တယ်လို့ သူကပြောပါတယ်။ ကားစီးရေ(၆၀၀၀၀)လောက်ကို အရောင်းရပ်ထားတယ်လို့ နစ်ဆန်းကုမ္ပဏီဘက်ကအစောပိုင်းမှာ ပြောထား ပါတယ်။
 
 
 

Related News