နာဇီစစ်ခေါင်းဆောင်ကြီးဟစ်တလာကိုယ်တိုင် နာဇီထိပ်တန်းခေါင်းဆောင်များ၏ လိပ်စာများကို ၎င်း၏လက်ရေးမူဖြင့် ရေးမှတ်ထားသည့်မှတ်တမ်းစာအုပ်ကိုယခုလ ၂၅ ရက်နေ့တွင် လေလံတင်ရောင်းချခဲ့သည်ဟုသိရသည်။

ယင်းစာအုပ်ကိုလက်ရှိပိုင်ဆိုင်သများမှာHenry Aldridge ၊ Son of Devizesနှင့် Wilts တို့က ကြမ်းခင်းဈေး ဗြိတိန်ငွေ ပေါင် ၁၅၀၀၀ဖြင့် လေလံဈေးစတင်ဖွင့်လှစ်ပြီးနောက် လေလံဖွင့်ဈေးထက် နှစ်ဆပိုမိုသည့်စေးနှုန်းပေါင် ၃၃၀၀၀ ဖြင့်ရောင်းချနိုင်ခဲ့ကြောင်းသိရသည်။

ဟစ်တလာသည် ယင်းစာအုပ်ထဲတွင် ၎င်း၏ကိုယ်ရံတော်၊လေယာဉ်မှူး၊ နာဇီထိပ်သီးခေါင်းဆောင်များဖြစ်သည့် Heinrich Himmler, Joseph Goebbels, Hermann Goering နှင့် ဟစ်တလာ၏လက်ထောက် Rudolf Hess တို့အပါအ၀င် ပုဂ္ဂိုလ်ပေါင်း ၂၀၀ တို့၏ အိမ်လိပ်စာများနှင့်တကွ ၎င်းတို့၏အကြောင်းအရာများကိုမှတ်တမ်းတင်ထားကြောင်းသိရသည်။

၎င်းစာအုပ်ကိုသားရေဖြင့်ဖုန်းအုပ်ထားပြီး“မိစ္ဆာတို့ရဲ့ထိပ်ခေါင် မိစ္ဆာများ” (“who’s who of evil”  ) ဟုသတင်းမီဒီယာများကဖော်ပြထားသည်။ အဆိုပါမှတ်တမ်းစာအုပ်ကိုဒုတိယကမ္ဘာစစ်ပြီးနောက် ဘာလင်မြို့၊ Reich Chancellery ရုံးချုပ်ရှိအံဆွဲတစ်ခုထဲမှဗိုလ်မှူး John Hodge က တွေ့ခဲ့ခြင်းဖြစ်ပြီး၊ နောက်ပိုင်းတွင် ယင်းစာအုပ်သည်စစ်ရာဇ၀တ်မှုများ စုံစမ်းထောက်လှမ်းရေးဌာန၏ အစိတ်အပိုင်းတစ်ခု ဖြစ်လာခဲ့သည်ဟုသိရသည်။

 

 

Related News