တရုတ်နိုင်ငံမှာ အောင်မြင်မှုရနေတဲ့ အငှားစက်ဘီးစနစ်ကို တရုတ်မြို့ကြီးတချို့မှာ ခေတ်္တရပ်နားသွားမှာဖြစ်ပြီး စည်းကမ်းမဲ့စက်ဘီး ရပ်နားတာတွေအတွက် ဖြေရှင်းဖို့ နည်းပညာသစ် တွေကို စတင်သွားမှာဖြစ်မယ်လို့ တရုတ်ပို့ဆောင်ရေးဝန်ကြီးဌာနပြောခွင့်ရှိသူက ပြောပါတယ်။ 
 
တရုတ်အာဏာပိုင်တွေဟာ လူမှုပတ်ဝန်းကျင်အသီးသီးက ပြည်သူတွေအနေနဲ့ အငှားစက်ဘီးတွေကို ထိန်းသိမ်းကြဖို့နဲ့ စည်းကမ်းမဲ့စက်ဘီးရပ်နားတာတွေကိုမပြုလုပ်ဖို့ မေတ္တာရပ်ခံခဲ့ပြီး တရုတ်နိုင်ငံရဲ့မြို့ကြီးအချို့မှာ အငှားစက်ဘီးငှားရမ်းတဲ့ စနစ်ကို ခေတ္တရပ်နားတော့မှာဖြစ်တယ်လို့ တရုတ်ပို့ဆောင်ရေးဝန်ကြီးဌာနပြောခွင့်ရှိသူ ၀ူချူးဂန်းက ပြောပါတယ်။
 
မြေပြင် အခြေအနေမှာလုံခြုံမှုရှိစေဖို့၊ စည်းကမ်းထိန်းသိမ်းဖို့နဲ့အငှားစက်ဘီးစနစ်ကို အားပေးဖို့ ခေတ္တရပ်နားထားရတာဖြစ်တယ်လို့လည်း သူကပြောပါတယ်။ အသစ်ချမှတ်ထားတဲ့အငှားစက်ဘီးတွေနဲ့ပတ်သက်တဲ့ စည်းမျဉ်းစည်းကမ်းတွေအရ မြို့တော်အာဏာပိုင် တွေဟာ အငှားစက်ဘီးတွေကို စီမံခန့်ခွဲမှုပြုလုပ်ဖို့တာဝန်ယူရမှာဖြစ်တယ်လို့ ၀ူချူးဂန်းကပြောပါတယ်။ဒေသရဲ့မြေပြင် အခြေအနေတွေကို အခြေခံပြီး သင့်လျော်တဲ့စက်ဘီးငှားစနစ်ကို စတင်ပြုလုပ်ရာမှာ ဒေသဆိုင်ရာစီမံခန့်ခွဲရေးအဖွဲ့တွေဟာ စည်းမျဉ်းတွေကို တင်း ကျပ်သင့်တယ်လို့ ၀ူချူးဂန်းကပြောပါတယ်။
 
အငှားစက်ဘီးတွေ စည်းကမ်းမဲ့ရပ်နားတာနဲ့ပတ်သက်ပြီး အငှားစက်ဘီးစီမံခန့်ခွဲ ရေးစည်းမျဉ်းစည်းကမ်းတွေကို တင်းကျပ်ရမှာဖြစ်တယ်လို့ ၀ူကပြောပါတယ်။ တရုတ်နိုင်ငံရဲ့မြို့ကြီး တချို့မှာ အငှားစက်ဘီးရပ်နားဖို့အတွက် အီလက်ထရောနစ်စနစ်သုံးအတားအဆီးတွေ လုပ်ဆောင်သွားဖို့စီစဉ်နေပြီး အီလက်ထရောနစ်သုံး အတားအဆီး စနစ်အောင်မြင်အောင်လုပ်ဆောင်သွားမှာလို့လည်း ၀ူကပြောပါတယ်။
 
 
 
 

Related News